Retomamos o noso labor! Actividade con Aulas Abiertas.

O Colectivo en Transición Calidade do Ceo Nocturno leva un tempo parado, mais estamos de volta e volvemos cunha colaboración con Aulas Abiertas e Asociación Astronómica Rías Baixas.

Aínda que durante este tempo no que non tivemos actividade pública non estivemos totalmente parados, unha serie de circunstancias impediu que Calidae do Ceo funcionase como o facía dende 2011. Pasadas moitas desas circunstancias estamos en condicións de recuperar o noso labor pouco a pouco. Esperamos seguir contando coa confianza de todos os que nos seguides.

Aquí vos deixamos a próxima actividade en Vigo:

Exposición ata o 5 de abril e charla máis roteiro o 3 de abril no Centro de Visitantes do Parque das Illas Atlánticas no Casco Vello de Vigo

A exposición sobre contaminación luminosa dos colegas de Agrupación Astronómica Ío da Coruña que estivo semanas atrás no instituto Castelao de Vigo e na Escola Oficial de Idiomas da mesma cidade continua o percorrido pola cidade olívica e está agora e ata o día 5 de abril no Centro de Visitantes do Parque das Illas Atlánticas no Casco Vello, moi preto da Colexiata.

Como culminación da exposición organizamos xunto coa Asociación Astronómica Rías Baixas unha charla sobre contaminación luminosa e astronomía no mesmo centro de visitantes o martes 3 de abril ás 19.00h. Ao final da charla haberá un roteiro polo Casco Vello para poñer en práctica os aspectos críticos da iluminación artificial tratados durante a actividade.

Obradoiro sobre contaminación luminosa na EOI de Vigo – 15/03/2018

O xoves 15 de marzo ás 20.00 faremos un obradoiro sobre contaminación luminosa na Escola Oficial de Idiomas de Vigo. A actividade está aberta para todo o público.

Complementariamente dende o día 5 e ata o día do obradoiro no vestíbulo da escola poderase ver a exposición A contaminación luminosa depende de nós, unha exposición de 3 paneis obra da Agrupación Astronómica Ío da Coruña, e dunha pequena exposición de telescopios da Asociación Astronómica Rías Baixas.

O obxectivo xeral do obradoiro é capacitar aos asistentes para criticar e valorar calquera tipo de iluminación artificial noctura dando as ferramentas necesarias para coñecer as consecuencias que os diferentes tipos de luz teñen na contorna na que se instalan.

Aprenderemos a diferenciar a mala e a boa iluminación, por que as temperaturas de cor son importantes, que cambios e consecuencias supuxo a tecnoloxía LED e a súa instalación desenfreada; falaremos de diferentes estudos científicos en materias diversas como economía, delincuencia, bioloxía, saúde, seguridade vial, medio ambiente, entre outros, e descubriremos como medir e interpretar resultados de contaminación luminosa para poder mergullar nesta problemática sen perdernos.

O desenvolvemento farase con exemplos reais, con xogos e favorecendo a participación dos asistentes.

a_noite_acesa_2018

VI Workshop CMON (2 decembro 2017)

O vindeiro sábado 2 de decembro estaremos novamente na reunión de astrónomos galegos organizada polo Clube de Astronomía Vega na residencia Monte da Condesa en Santiago. A continuación toda a programación:

[10:45] Presentación do VI Workshop CMON.

[11:00] Martin Pawley (Agrupación Astronómica Coruñesa Ío)
Título: “Cinema e astronomía”
Resumen: Máis alá da ciencia ficción e “space-operas”, son moitos os fíos dos que tirar para falar de cinema e astronomía.
Para empezar, o propio invento do cinematógrafo é fillo dun tránsito de Venus…

[11:30] Paula Neira Placer (Secretaria de la Agrupación Astronómica Ío)
Título: “¡Hola! ¡Estamos aquí!, XOXOXXXXOXXOXOX; o cómo comunicar desde asociaciones astronómicas”
Resumen: En esta charla se abordará el proceso que ha de seguir una asociación astronómica para poder comunicarse
con su entorno de una manera eficaz. Se hará referencia a algunas soluciones comunicativas que permiten
alcanzar los objetivos y audiencia más habituales de las asociaciones astronómicas.

[12:00] Víctor Tilve Rúa (Colectivo Calidade do Ceo Nocturno)
Título: “Contaminación luminosa: cada vez máis información, pero non menos contaminación”
Resumen: Escolma de temas relacionados coa contaminación luminosa: instrumentos e resultados de medicións,
traballos e bibliografía recentes, últimas novas sobre Calidade do Ceo Nocturno e outras cuestións.

[12:30] Descanso

[13:00] Jorge Gómez Crespo, José Ángel Docobo Durántez (Observatorio Ramón María Aller, USC)
Título: “Interferometría speckle de binarias no Byurakan Astrophysical Observatory”
Resumen: Descríbense  os resultados das campañas de observación de binarias realizadas no BAO (Armenia)
mediante o uso da cámara EMCCD do Observatorio Astronómico Ramón María Aller da USC acoplada ao telescopio
de 2.6m de dito Observatorio.

[13:30] José Ángel Docobo Durántez, Pedro Pablo Campo Díaz (Observatorio Ramón María Aller, USC)
Título: “Cálculo preciso de masas estelares e paralaxes a partires das órbitas de  binarias espectro-interferométricas”
Resumen: O desdobramento de binarias espectroscópicas de dobre liña mediante técnicas de alta resolución
coma a interferometría speckle permite, a través das súas órbitas, diseñar un procedemento  para obter
simultaneamente valores precisos tanto das masas individuais coma das paralaxes.

[14:00] Comida

[16:00] Hugo González, Luis Pérez, Ramón Iglesias
Título: “Observando ocultacións”
Resumen: O porqué e o cómo da observación de ocultacións. O grupo de observación de ocultacións que hai
establecido en Galicia. O que se está a facer: resultados positivos e negativos.

[16:30] Carmen Castro (Clube Vega)
Título: “Eclipse en familia”
Resumen: Actividad divulgativa duante el eclipse de Marzo de 2015. Disfrutando de la Astronomía con
los niños también durante el dia. ¿Qué hacer y que no hacer durante el eclipse?

[17:00] X. Dosi Veiga
Título: “Ceos Galegos – Calendario astrónimo 2018”
Resumen: Ceos Galegos é un produto comercial no que facemos divulgación científica so través
dun produto de consumo popular. No caso de que funcione, transformaremos o proxecto nun vehículo
viable e autosustentable para a comunicación social da ciencia. A edición deste ano foi posible
porque en Galicia temos fotógrafos do ceo que fan un traballo espectacular.

[17:30] Descanso

[18:00] José R. Gago
Título: “Scienceffect Space Program”
Resumen: Crónica del diseño y construcción de diferentes cohetes y simuladores aeroespaciales de forma
artesanal. La importancia de entender leyes físicas básicas y el espíritu de la carrera espacial.

[18:30] Ramón Iglesias Marzoa (CEFCA, ULL, Clube Vega)
Título: “A caracterización de Haumea mediante unha ocultación estelar”
Resumen: A técnica das ocultacións estelares permite obter información moi valiosa sobre obxetos do sistema solar.
Unha ocultación de Haumea, observada mediante unha colaboración pro-am, permite descubrir o tamaño real
de Haumea e o seu sistema de anéis.

[19:00] Oscar Blanco (Trevinca Skies)
Título: “Observatorios robotizados en Galicia. Una realidad”
Resumen: La provincia de Ourense contará en cuestión de meses con dos observatorios astronómicos que permitirán el trabajo en remoto y robotizado. Las posibilidades, proyectos y colaboraciones posibles son ahora un nuevo aliciente para la astronomía en Galicia. Trevinca Skies está detrás de estos dos proyectos y nos lo contarán de primera mano.

[19:30] Salva Bará (Facultade de Óptica, USC)
Título: “Avisos varios”

[19:45] REMATE

Repensando a noite entre todos pola posta en valor do patrimonio nocturno galego-portugués

O pasado mes de febreiro tivo lugar un fito moi importante para Calidade do Ceo e tamén para a defensa do patrimonio nocturno.

No convencemento en que os cambios importantes suceden cando a sociedade se xunta e traballa nunha mesma dirección para conseguir os seus obxectivos; convocamos en Santiago de Compostela a diferentes persoas e colectivos de Galicia e Portugal implicados coa problemática da contaminación luminosa, a conservación medioambiental e a astronomía.

A I Xuntanza sobre Contaminación Luminosa, tivo lugar no edificio do Matadoiro de Santiago de Compostela e reuniu a 21 persoas de diferentes asociacións (astronómicas e ambientais), empresas, divulgadores científicos e investigadores de diferentes universidades de Galicia e Portugal. Todos unidos por unha causa común: a protección e posta en valor do patrimonio nocturno galego (tan fermoso como heteroxéneo).

Froito de esa Xuntanza naceu Calidade da Noite, o foro galego-portugués polo fomento do patrimonio cultural e ambiental nocturno. O obxectivo deste foro é facer unha reflexión sobre cómo é a nosa noite en todas as suas dimensións (astronómica, cultural, biolóxica, económica e social), cómo debería ser e trazar unha estratexia conxunta para espallar a mensaxe aos diferentes actores da sociedade.

Queremos unha noite que sexa noite, sen renunciar á luz artificial, mais mantendo a luz natural dos astros…que nos guía,  que equilibra o noso reloxo biolóxico, que ilumina a vida das especies animais nocturnas, que nos conecta cos nosos antepasados e coa nosa orixe cósmica…ao fin todos somos po de estrelas.

Queremos unha paisaxe nocturna amigable, con luz artificial sí, pero amarela e iluminando o noso camiño entre rúas, mais nunca o ceo. Queremos unha noite que non consuma máis enerxía da que necesitamos, que co que se aforre iluminando ben se invirta no fomento noso benestar social, natural e cultural.

tumblr_lgt4piv3no1qcza3lo1_500.jpg

Por todo iso, redatamos un manifesto que ratifica a Declaración Institucional en Defensa do Ceo Nocturno aprobada polo Parlamento de Galiza no 2015 e inclúe as cuestións chave de como iluminar eficientemente para conseguir os propósitos arriba indicados.

E a ti?, gustaríache unha noite como a que nos queremos? Se estás de acordo, entra na páxina www.calidadedanoite.wordpress.com e asina o manifesto, que non é noso, é de todos!.

Ver: La Hora del Planeta. Que las farolas no nos impidan ver las estrellas. Alberto Pereiras. El Asombrario.

III Ed. Arquitectura con luz propia

O mércores 19 de abril voltamos á ETSAC (Escola Técnica Superior de Arquitectura da Coruña) para celebrar a III Edición de Arquitectura con luz propia entre as 18h30 e as 21h30.

LuzPropia3_CARTEL_1

O pase de diapositivas require JavaScript.

Imaxes da III Edición de Arquitectura con luz propia. Fotografía: AXPerspectivas

Nesta edición, contamos con:

  • Daniel Ríos Meizoso (C.T Calidade do Ceo Nocturno). Nos introduciu na problemática da contaminación luminosa en Galicia e presentou o Mapa do brillo do Ceo que estamos a elaborar dende a nosa asociación.
  • Lucía Girádez Costas (C.T Calidade do Ceo Nocturno). Presentou o fío de contidos da III Edición de Arquitectura con luz propia.
  • Marco V. Quintela García e César González García (Rede Consilencia). Marco e César nos descubriron o apaixoante mundo da arqueoastronomía vencellada coa chamada “astronomía cultural” nunha charla sobre “fenómenos astronómicos que configuran espazos arquitectónicos e constrúen ideas”. Presentaron “Lume na Auga”, un proxecto de investigación e posta en valor dos recursos arqueoastronómicos de Galicia.
  • Salvador X. Bará Viñas (Profesor da Área de Óptica, Universidade de Santiago de Compostela).  Salva fixo unha revisión xeral da problemática da contaminación luminosa dende o punto de vista da planificación urbana, na charla “tendencias e retos actuais nas instalacións lumínicas dos territorios”.
  • Óscar Blanco Varela (Trevinca Skies). Como acción para a protección da noite e o seu aproveitamento económico, en Galicia certificáronse xa dous territorios como Destinos Turísticos Starlight. Óscar Blanco, promotor do Destino Starlight Trevinca, e nos falou do proxecto pioneiro en Galicia en turismo astronómico, Trevinca Skies.

Arquitectura con luz propia quere ser un lugar onde os arquitectos profesionais e en formación podan discutir e aprender sobre o que se empeza a chamar cultura da luz e sobre a responsabilidade para con ela, que sen dúbida, constitúe un tema non o suficientemente debatido nin estimado.

Son moitos os expertos que coinciden en indicar que o uso da luz asociado ao significado de progreso e riqueza tivo moito que ver no aumento incontrolado da contaminación luminosa.

Ademáis, en tempo de crise, é a luz mal instalada que dilapida cartos a primeira en ser sacrificada. Cambiar esta visión e darlle á luz un valor que trascenda o económico empeza a ser un dos obxectivos de moitos expertos en luz e contaminación luminosa.

A actividade que Calidade do Ceo e Asociación Xuvenil Perspectivas propoñen, quere facer fincapé no dito no apartado anterior e acercar á comunidade da Arquitectura os recursos e os problemas que existen na actualidade para alumar de forma correcta, así como a importancia de facelo alén estética.

A actividade quere fomentar o desenvolvemento dunha cultura da luz responsable coa natureza, a sociedade e coa paisaxe na que vivimos.

06_Sandratei
Intervención Víctor Tilve. ACLP 2014. Fotografía: Sandratei

 

Calidade do Ceo Nocturno na USC

Cartel La Hora del Planeta

O próximo xoves 20 de abril estaremos na Facultade de Matemáticas para reflexionar con todo aquel que queira asistir, sobre o concepto de contaminación luminosa. Qué é a contaminación luminosa? A quen afecta e cómo? Cal é a situación actual en Galiza? Qué podemos facer para reducila e consumir luz artificial de forma responsable?. Todas estas cuestións e algunhas máis quedarán resoltas ao final da xornada.

Alén diso, faremos un roteiro nocturno circular que partirá da mesma facultade e pasará por diferentes puntos nos que comentaremos diferentes tipos de iluminación e problemáticas asociadas ao tempo que tomaremos medidas do brillo do ceo.

ruta (1)

Obradoiro de contaminación luminosa na EOI de Vigo. 27/04/2017

O 27 de abril, ás 20.:30, estaremos na Escola Oficial de Idiomas (EOI) de Vigo (sede central en Martínez Garrido) cun obradoiro sobre contaminación luminosa en colaboración co Equipo de Dinamización Lingüística.

Neste obradoiro falaremos de astronomía (identificación de estrelas e constelacións) e de como medir a contaminación luminosa contando estrelas e tamén doutros tipos de medida e da súa interpretació. Falaremos de proxectos internacionais e de como participar neles. Faremos diferentes xogos para aprender as causas e consecuencias da contaminación luminosa. Ao remate todos os asistentes serán capaces de recoñecer a contaminación luminosa, de medila e de saber de que forma hai que iluminar en cada momento para facelo correctamente.

Esperámosvos na EOI de Vigo. O obradoiro é de balde pero convén inscribirse en calidadedoceo@gmail.com, en eoi.vigo.edl@gmail.com ou na conserxería do centro.

cartel_2017-1

Education on Light Pollution (proxecto internacional sobre contaminación luminosa)

Liderados polo investigador portugués Raul Lima, do Politécnico de Porto, participamos xunto co investigador da Universidade de Santiago de Compostela e a Asociación Astronómica Coruñesa Ío nun proxecto internacional con financiamento do proxecto europeo Stars4all. O proxecto ten como obxectivo principal a instalación de fotómetros SQM en centros de ensinanza secundario en Portugal e Galicia.

A medida que desenvolvamos o proxecto informaremos polos medios habituais. Máis información en https://www.ess.ipp.pt/noticias/projeto-education-on-light-pollution