O próximo xoves 20 de abril estaremos na Facultade de Matemáticas para reflexionar con todo aquel que queira asistir, sobre o concepto de contaminación luminosa. Qué é a contaminación luminosa? A quen afecta e cómo? Cal é a situación actual en Galiza? Qué podemos facer para reducila e consumir luz artificial de forma responsable?. Todas estas cuestións e algunhas máis quedarán resoltas ao final da xornada.
Alén diso, faremos un roteiro nocturno circular que partirá da mesma facultade e pasará por diferentes puntos nos que comentaremos diferentes tipos de iluminación e problemáticas asociadas ao tempo que tomaremos medidas do brillo do ceo.
O 27 de abril, ás 20.:30, estaremos na Escola Oficial de Idiomas (EOI) de Vigo (sede central en Martínez Garrido) cun obradoiro sobre contaminación luminosa en colaboración co Equipo de Dinamización Lingüística.
Neste obradoiro falaremos de astronomía (identificación de estrelas e constelacións) e de como medir a contaminación luminosa contando estrelas e tamén doutros tipos de medida e da súa interpretació. Falaremos de proxectos internacionais e de como participar neles. Faremos diferentes xogos para aprender as causas e consecuencias da contaminación luminosa. Ao remate todos os asistentes serán capaces de recoñecer a contaminación luminosa, de medila e de saber de que forma hai que iluminar en cada momento para facelo correctamente.
Esperámosvos na EOI de Vigo. O obradoiro é de balde pero convén inscribirse en calidadedoceo@gmail.com, en eoi.vigo.edl@gmail.com ou na conserxería do centro.
Liderados polo investigador portugués Raul Lima, do Politécnico de Porto, participamos xunto co investigador da Universidade de Santiago de Compostela e a Asociación Astronómica Coruñesa Ío nun proxecto internacional con financiamento do proxecto europeo Stars4all. O proxecto ten como obxectivo principal a instalación de fotómetros SQM en centros de ensinanza secundario en Portugal e Galicia.
Este sábado 4 de febreiro terá lugar a 1ª xuntanza galega sobre contaminación luminosa en Matadoiro Compostela. Ademais do noso colectivo estarán presentes, atendendo ás inscricións feita a día de hoxe, as asociacións Astrovigo, A. Astronómica Sirio de Pontevedra, A. Astronómica Coruñesa Ío e Clube Vega de Santiago, así como os investigadores Salvador Bará, da USC, e Raul Lima, do Politécnico de Porto. Tamén contaremos con representación do Planetario da Coruña e da empresa Wireless Galicia, que mantén en Vigo un fotómetro SQM para medir a contaminación luminosa no centro da cidade.
Galicia dende o espazo
A importancia desta xuntanza, e polo que decidimos organizala e propoñela aos nosos colegas, radica na necesidade de unir esforzos e coñecementos para chegar á xente e ás persoas con capacidade de decisión para mudar o mapa luminoso de Galicia. Contamos ademais coa presenza de Raul, investigador portugués co que intercambiaremos experiencias e trataremos os problemas da fronteira para abordar solucións conxuntas.
Na xuntanza falaremos dos fotómetros SQM, da experiencia acumulada na loita contra a contaminación luminosa de todos os participantes e plantexaremos accións comúns para que no futuro a mensaxe de que iluminar ben é posible e beneficioso chegue máis claro e con máis forza a todo o mundo.
(Se é a primeria vez que les sobre isto é recomendable que visites a páxina Brillo do ceo nocturno)
Seguimos tomando medidas grazas a Ramón Iglesias, un colega polifacético membro do Clube de Astronomía Vega, astrónomo técnio no Observatorio Astrofísico de Javalambre (Teruel) e doutorando da Universidad La Laguna de Tenerife.
Desta volta o SQM foi ata o concello de Vedra e colocouse o SQM nun lugar a aproximadamente a 8 km de Santiago de Compostela, onde con nubes o brillo de ceo chega ata 18 magnitudes por culpa da luz reflectida nelas, pero que cando o ceo está despexado a escuridade chega ata as 20 magnitudes, un bo dato.
Como vemos nas seguintes imaxes de satélites obtidas da páxina de Meteogalicia, o día 26 Galicia estaba cuberta de nubes, mentres que os outros dous días na zona de Vedra a cousa mellorou.
Formulario para facerse socio de Calidade do Ceo Nocturno. No caso de seleccionar o modo de pago como “ingreso” deberase enviar ao correo calidadedoceo@gmail.com o recibo do ingreso feito na nosa conta de ‘la Caixa’: ES77 0133 5772 7642 0000 4578
Os datos persoais aportados nesta solicitude serán tratados polo COLECTIVO EN TRANSICIÓN CALIDADE DO CEO NOCTURNO, con NIF G27820463, coa finalidade de dar cumprimento aos procedementos adoptados polo colectivo como garantía ao adecuado exercicio das súas competencias, para manter un rexistro a efectos de acreditación, para estudos estatísticos e para a reclamación e cobro de cotas. Pode exercitar os seus dereitos de acceso, rectificación, cancelación e oposición ante a Xunta Directiva do colectivo cun escrito firmado e copia do DNI. Esta información outorgase en cumprimento do artigo 5 da Lei Orgánica 15/1999, de 13 de decembro, de Protección de Datos de Carácter Persoal.
Dende hai uns meses estamos levando a cabo a recompilación de medidas de brillo do ceo nocturno que se fixeron e se fan en Galicia pero que están esparexidas e publicadas en diferentes páxinas web e proxectos. Queremos que visitando un único lugar estea toda a información accesible, pero agora queremos tamén que esa información sexa interpretable con rigor, por iso tivemos a idea de calibrar todos os SQM da nosa comunidade.
O seguinte paso é saber cantos SQM hai en Galicia, que modelos son, se están nunha instalación fixa e se os seus donos están dispostos a participar nesta iniciativa. Quen estea interesado en participar pode enviarnos o seguinte formulario para que poidamos seguir xestionando a calibración de todos os fotómetros.
Os datos persoais aportados nesta solicitude serán tratados polo COLECTIVO EN TRANSICIÓN CALIDADE DO CEO NOCTURNO, con NIF G27820463, coa finalidade de dar cumprimento aos procedementos adoptados polo colectivo como garantía ao adecuado exercicio das súas competencias, para manter un rexistro a efectos de acreditación, para estudos estatísticos e para a reclamación e cobro de cotas. Pode exercitar os seus dereitos de acceso, rectificación, cancelación e oposición ante a Xunta Directiva do colectivo cun escrito firmado e copia do DNI. Esta información outorgase en cumprimento do artigo 5 da Lei Orgánica 15/1999, de 13 de decembro, de Protección de Datos de Carácter Persoal.
